現年21歲的女兒許倚榕,是珍妹努力活好的支撐點。「因為有佢喺度,我成日覺得自己有個責任,唔可以令佢唔開心,同埋要令佢健康成長,我已經供到佢讀大學,仲有兩年就畢業,冇理由𠵱家放棄嘛,我都要快啲企番起身,追番啲時間。阿女經常同我講:『媽咪你開心我就開心。』佢咁樣講我好感動。」
回復光彩、戲癮大發作的珍妹,現在勤做Gym,除為工作,也堅決除污名。「我唔介意啲人重提我嘅舊事,或者覺得我以前點樣,但我𠵱家先知道,我介意其他人點樣睇我嘅將來,我唔想以後都俾人叫肥珍、肥婆,我希望自己係一位成功嘅50歲港女。」