當年今日
關於我們

【人工包埋?】就快七張嘢 史高拉利幫恒大兵搬鞋

蘋果日報 2017/06/16 10:12

史高拉利中超廣州恒大大菲搬鞋

稱呼一位教練親力親為,好多時都係講緊佢哋落場練波踢埋一份,但好似廣州恒大教練史高拉利咁樣做法,就實在值得球迷敬佩!有來自廣州嘅微博用戶,周四上載兩張中午食飯時偶遇「大菲」嘅相片,見佢親力親為同助手喺廣州運動用品舖頭拎波砵,仲親自搬起一大箱波砵,又對住球迷豎姆指,認真親民。呢位微博用戶感嘆咁話:「年薪3,800萬的老人家親自給恒大球員買鞋,自己搬,老頭子優秀是有道理的。」
雖然恒大今季表現霸氣欠奉,亞冠盃跌跌撞撞下先殺入8強,一度有傳68歲嘅「大菲」帥位不保,但球隊目前總算站穩陣腳,聯賽兩分力壓上海上港排榜首,加上呢位老帥咁敬業樂業,又點捨得炒你先?
empty
大菲早前被影到去街市買餸,睇嚟相當融入中國生活。