屋企早已有4條Queen嘅林盛斌(阿Bob)，老婆近日終於宣布陀仔，得償所願嘅阿Bob， 呢排出席活動時四萬咁口，不過佢都有話大女得知就嚟做家姐覺得唔開心，擔心會失寵同分薄父母嘅愛，仲詐型問老竇點解唔識自我控制吓。

雖然大女有怨言，不過就嚟又做老竇嘅阿Bob，日前大讚未出世B仔腳頭好，自己呢排豬籠入水。啱啱佢就喺Ig擺咗張囝囝超聲波嘅相，仲留言話：「嘩，大兜到呢......... 有冇人見到龍珠入面嗰條神龍呀？」終於擺脫外父相嘅阿Bob，睇嚟真係極度亢奮。