當年今日
關於我們

頑石點頭:AC勢贏祖記 - 藍鑽石

蘋果日報 2009/05/09 00:00


意甲大勢早定,好多隊開始為下季做準備,消息指費倫下季打算拆去分隔觀眾席同球場嘅透明圍網,我一聽個心即時凉咗半截,奉勸有關方面懸崖勒馬,咪諗,諗咗都唔好制,死人㗎!
8年前去意大利睇過費倫作客帕爾馬,明明係帕爾馬主場,費倫球迷人數唔多但惡過雷公,未入場已起勢掟玻璃樽。入到場內,班友仔唔知擲咩易燃物體,搞到個場嘅圍網燒熔晒,然後將大量雜物擲入場,我當時喺龍門後面影相,同企喺附近嘅差佬一樣,震過貓王。作客都咁,主場怕且更惡,多重保護,有好過冇。
好多人都為來季做準備,但怕且雲尼亞里唔使,信祖記明晚輸俾我愛隊AC,下季冇佢份。

主客和:AC米蘭勝
心得:累我幾次,決調轉槍頭
近5場往績:WLLLW

藍鑽石
與簡拿華路同日出生嘅囡囡入學,今季大把時間睇波,尤其係意甲。