修夫基發牢騷 「有球員入選係因為好彩」
世界盃外圍賽世盃外修夫基英格蘭代表隊2018俄羅斯世界盃
英格蘭足總噚晚公佈咗下個月踢2018年俄羅斯世界盃外圍賽嘅26人球員初選名單,但係領隊修夫基對今次所揀嘅人似乎就唔多滿意,仲話有部分球員可以當正自己嘅入選係因為好彩,不過佢就堅持唔肯「爆響口」係指邊位球員。
點解修夫基會咁唔開心呢?因為好似丹尼路斯、拉爾拉拿、韋碧克同埋占美華迪等球員都唔可以上陣,所以佢直頭唔使打電話同個別球員講今次要落選。修夫基話:「如果你問我對今次陣容開唔開心,我嘅答案係唔開心!因為我哋有太多傷兵,結果係今次有一、兩個球員根本唔係憑表現入選。我希望球員係要為正選而競爭,不過睇嚟今次做唔到喇。」
英格蘭代表隊下個月5號會喺世盃外主場鬥斯洛文尼亞,三日後再作客立陶宛。