賽期有變，周四(22日)晨課出跳有賽程馬唔多。「正是你」楊明綸跳兩段，加盟李廄已一段時間，最近多做工夫，減肥漸上力，試大閘搶放末段唔斷，狀態已有進展。呢隻馬上季尾兩場因氣管有痰及不良於行退出，今季就拉咗去李易達度，上周試埋谷閘等跑下周二沙田三班草地千二米，李易達不時有馬轉倉即勝，如「佳運來」今季轉倉首戰即爆冷，話唔定「正是你」可步「佳運來」後塵轉倉即勝。
「機緣再現」梁家俊跳兩段，戴防沙眼罩及頭罩，馬身紮實，落腳整齊有力，仍有爭勝水準。「夢幻仙子」副練跳兩段，墜手步幅開揚，心火湧現，過終點猶有餘勁，當打馬勇況不減。
「神威敖翔」跳兩段，戴頭罩，收身線條靚，勇況不減。「包勝」跳三段，戴眼罩及頭罩，慢開直路加速，外觀討好，出腳暢順，神情專注，維持近仗作戰狀態。「喜悅繽紛」跳一段，戴頭罩，靠大外欄走過，馬身紮實毛水靚，好火跨步有彈力，當打馬狀態保持大勇。
「美麗寶寶」蔡明紹跟「變出美麗」吳壹晉彈閘，起步均順稍，拍住爭持，電算機前「變出美麗」佔先一頭位跳贏，姿態甚輕鬆；「美麗寶寶」騎落走勢牽強，進度未如理想。