當年今日

楊思琦首次拍劇心慌慌

蘋果日報 2002/01/05 00:00


港姐冠軍楊思琦昨日與吳啟華,齊往灣仔一間咖啡店,為電視劇《LovingYou我愛你Ⅱ》拍外景。
吳啟華與楊思琦在劇中飾演夫婦,楊思琦演的角色EQ甚低,經常要老公吳啟華𠱁,並鬧出笑話。

吳啟華𠱁女仔
吳啟華昨日更嘲笑第一次拍劇的楊思琦,啟華說:「我同思琦合作就好似湊女咁,因為佢第一次拍劇,好緊張,所以我重講笑叫佢返去讀藝員訓練班。好彩喺劇入面我同佢冇親熱戲,因為同新人拍親熱戲會好麻煩。」
記者笑吳啟華今次湊楊思琦易如反掌,是否因為他一向識𠱁人?吳啟華聽罷笑說:「如果我叻就唔會拍咁多次拖都分手收場啦!」
另外,楊思琦表示她自己第一次拍劇很緊張,她說:「好彩啟華同導演都好有心機教我,啟華嘅戲我就睇得多,估唔到可以同佢做對手戲,好開心。」
採訪:甘比 攝影:何國豪