港股經過大洗禮後,股仔中十有八九都已經歷過插水式下跌,亦戲劇性彈升,呢類股仔,應可確認到底。
上周五,恒指大跌千多點時,好多股仔跌到面目全非,慘不忍睹,最低時個價,同今年高價相比,直情係一個天、一個地,仲有好多連大升前嘅起步位都守唔住,正係辛苦耕耘大半年,霎時間灰飛煙滅。
大市未跌之前,唔少股仔已到頂番轉頭,跌定先。現時大市前景雖然未明朗,但好多股仔已出現終極一跌,到咗底,又可以從頭來過,東山再起。
總之,插過水嘅股仔已見底,出現DeepV式反彈嘅,屬於強勢一族,唔少更由低位回升超過4成,反彈個勢咁勁,必然有因,逢低可吸。
‧高寶(274)、新威(058)已提過,都係逆市而升,高寶由低位反彈56%,新威反彈40%。
‧新創(1141)最低0.55元,收0.82元,低位反彈49.1%。
‧華潤勵致(1193)由0.72元彈上1.06元,升幅47.2%。
‧莊士機構(367)由0.99元上番1.42元,大升43.4%。
‧佳邦環球(471)由0.33元谷上0.47元,升42.4%。
‧國訊國際(8128)由0.145元掃上0.204元,升40.6%。