【11:30】「九天天氣預報」更新。

今朝起身涼涼地，雲層多過噚日少少，天文台指今日最高氣溫28°C，短暫時間會有陽光。聽日係佛誕假期，蘋民有冇諗住去長洲睇飄色，或者其他戶外活動呢？不過，一定要帶把遮或者雨褸喇！天文台科學主任楊國仲表示，聽日會多雲，有幾陣驟雨，氣溫25至28°C。

楊又指，周日、周一內陸一道低壓槽南下，大驟雨會增多。「九天天氣預報」顯示，周日多雲，有幾陣驟雨，稍後雨勢較大及有狂風雷暴，氣溫25至29°C；周一大致多雲，初時有驟雨及幾陣狂風雷暴，下午天色較為明朗，氣溫23至27°C，返工返學要注意。

想睇最新消息？　即時follow【現場－蘋果突發】 fb！ http://fb.com/applecitycrime