第一代出市代表，默默在證券界工作近60年的張天生。從事證券業之前，第一份工是在果欄工作。「嗰時我斬蕉嘅，咁我嗰時後生，一起身斬成千幾斤蕉，斬得好熟手。」張天生說：「做咗一輪之後，老闆同我講，你斬蕉咁叻，唔做生果嘥咗你。」「當時櫃枱就話，做生果有咩好？你搵到幾多錢？」他一想之下，覺得有道理，就即時辭去工作。

要抹枱抹凳

之後在家自學打字，半年之後再到證券行工作，「做第一間證券行公司，叫支顯宗公司，嗰時都唔知咩叫office boy，唔識聽，但去到抹枱抹凳，做咗半年左右，去派吓行情、成交單。」再過多半年，就開始學做生意，「頭一單做咗萬零元生意，好開心，收到50元佣，公司一半，我一半，收市後即分25元，仲唔使納稅。」
到67至68年，由於張天生經常出外應酬，後來在夜總會認識當時新鴻基證券創辦人之一馮景禧。
最初馮景禧邀請張天生過檔，但張天生未有答允，「佢話唔畀我做生意，咁我咪冇咗啲客？」所以無答應。「因為客人先係你嘅資產。」後來馮景禧讓步，張天生亦進入新鴻基，一做就廿多年。
「我好多客都保持到現在，大客好、細客好」服務最長的其中一位客戶，前後四代都是張天生的客，「最重要你對客係忠誠，如果立壞心腸，你都會冇生意做。」又說：「我做到八十歲都有人信賴，我係好開心。」