英國傳媒報道，如果水晶宮喺星期日作客般尼嘅英超再輸波，幾乎可以肯定領隊法蘭迪保亞一定會被炒魷。

水晶宮今季開季以來，三場英超全部輸晒，失咗六球但一球都入唔到，英國《電訊報》就話，水晶宮認真諗過喺啱啱嘅國際賽期炒咗法蘭迪保亞，但最後都決定畀多一場機會迪保亞證明球會今個夏天請佢係冇錯嘅，如果球隊喺星期日作客般尼賽果都係冇改善，迪保亞就幾乎肯定冇得留低。

報道話，迪保亞正考慮放棄今季用咗三場嘅三後防踢法，準備為挽救自己嘅工作而喺對般尼嘅時候改踢自己執教阿積士用過嘅433陣式。