狼英有幾狠？睇吓佢參選特首期間，點樣用黑材料砌低對手唐唐就知！所以當坊間傳出，狼英支持以強硬手法，包括橡膠子彈甚至真槍對付示威者，好多人都信狼英做得出。為免學生受傷，好多人紛紛開腔勸佢哋早點歸去。當中最矚目嘅梗係兩位法律界德高望重人士，終審法院前首席法官李國能同最高法院前首席法官楊鐵樑，竟然都罕有開聲。八方聽聞兩官肯出動，同前律政司司長黃仁龍有關！
查實李官同楊官，過往都好少就政治問題發言，事關身份上似乎唔多適合。但喺前日，收山好耐嘅兩官打破慣例，罕有同日發聲明，語調一致呼籲學生撤離佔領現場，唔少政界中人都覺得，世事點會有咁多「咁蹺」呢？