AKB48前日舉行嘅第10屆人氣總選，由SKE48嘅21歲主將松井珠理奈首封一姐，SKE成員須田亞香里、HKT48成員宮脇咲良分別打入三甲，當日總選盛況獲富士電視台分成兩部分在關東地區直播，收視分別錄得5.7%及11%，當中第二部份嘅11%收視，創下歷屆直播最差收視成績，最高瞬間收視係宮脇咲良飲恨一刻，錄得13.8%；名古屋成為今次舉行地點，當地有20.7%平均收視。網上就有多達37萬人收看。

AKB總選一屆比一屆殘忍，宮脇咲良只得第三即哭成淚人，更大受打擊缺席翌日握手會。至於在開票當日早上嘅演唱會上，松井珠理奈一度因壓力爆煲而喊到被抬離舞台，而昨日更以健康理由取消原定明天舉行嘅生誕祭演出，佢已在Twitter留言致歉，強調演出只是延期舉行。

精選娛聞，喺晒《娛果》
http://fb.com/appledailyent