武漢肺炎持續肆虐，公立醫院病床嚴重短缺，衞生防護中心公布，截至昨晚（30日）11時，仍有41名確診者暫居於港九新界酒店及屋苑之中，目前仍等候入院。據知，該批未被送院的確診者分散多幢屋苑，包括美孚新邨、將軍澳日出康城、尖沙嘴擎天半島、半山敦皓、沙田碧濤花園、東涌映灣園及柴灣杏花邨等。

《蘋果》下午到美孚新邨視察，見到多名戴口罩的清潔工人進行清潔，另外亦有穿上全套保護衣的工作人員到屋苑多個範圍進行大規模消毒，又以消毒液抹洗大廈，包括門口的門柄及大堂。

有居民表示得悉有確診者居於八期其中一單位內，但等候多時仍未被送院，感到憂慮，擔心區感染風險增加，人心惶惶。住客陳先生指昨日收到有關消息後「有啲擔心」，甚至「唔係好瞓到」。他透露清潔工人雖在消息傳出後立即在屋苑內進行大消毒，但他批評確診者一日不送院，其緊密接觸者外出時可能繼續播菌，「政府真係做得好差，早前應該預計到個（疫情）情況會越來越差，唔會諗（確診）數字越來越少，完全冇準備，如果有準備就唔會有人確診之後4日都未入院啦」。他慨嘆現時只能做好本份，盡量少經過確診者居住的大廈，平日勤洗手不要亂摸，「唔出街冇可能喇，始終要返工食飯，唯有一次過買多啲野食……總之唔好靠政府啦」。

另外亦有住客表示擔心，但因暫時不知道確診者居住於哪個單位，未來會減少外出。住客李小姐也對確診者未能即時送院表示理解，認為醫療系統負荷很大，民間應給予耐性，更無奈地指出「外國返嚟嘅人咁多，（疫情惡化）呢個係好必然嘅事」，未來外出會更加注意衞生。

----------------------------
【武漢肺炎】專頁
全民自救 抗疫資訊盡在《蘋果》
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568