本地僅存不多的桃花園中，年過八旬的花農馮正種花五十載仍未言休。「有棵靚花，有客人嚟同我傾吓偈，同我買花，我都認為係一種成績、成就。」不過他指若子女想接手桃花園，「佢肯接我都唔畀佢做。」全因花農日子不易過。

「你面前嘅花就係應時、合時，我覺得好滿意！」說起今年收成，財利農場老闆馮伯眉開眼笑。與桃花結緣53年，馮伯總是穿着沾滿泥的「農民布鞋」在場內奔波，60年代他原本在工廠打工，「但係我喺工廠只係框住我，去到某個年紀你自然要退隱。我務農為生，自食其力，有成果我咪覺得自己叻咗啲囉！」

「子女肯接我都唔畀佢做」

他亦明言花農生活非一般人可接受，「你做呢行，個太陽更熱你都要做，噴農藥仲辛苦，戴埋口罩啲汗點流出嚟？」行業式微，他又負擔不起聘全職員工，多年來只能找散工幫忙。去年經歷長達10小時的十號風球山竹，提起損失，馮伯只笑稱：「你點保都有損失嘅。」當時他跟太太和請到的幫手，將場內500多棵桃花逐一捆起，用鐵通支撐樹幹，最終有20多棵桃花報銷。

桃花樹被斬賣出後，剩下的樹幹要重新駁枝，待長出軟芽由人手折掉，讓花樹長出橫枝，其間花農要翻土、施肥、除草和殺蟲等，一般兩三年後可收成，10呎以上的桃花王則要待5年或以上。每逢收成前，花農會更着重摘葉的時機，若遇上和暖天氣就推遲摘葉，讓養份走到綠葉以延緩開花時間；若遇上寒冬，就可摘葉谷花，將養份留給花蕾和用來長出更多新蕾。

記者所見場內桃花不少被大集團訂下，「以前胡忠，即係胡應湘個老竇，好老都嚟買花㗎。護士跟埋佢身邊，有個大隻佬扶住佢，篤住條枴杖都仲去睇花。」此外，前特首夫人董趙洪娉亦曾親自來揀花。

要揀一棵靚桃花，馮伯說首先要看桃花樹從底到頂有否長滿花蕾，沒有脫節，而且分佈均勻，已開的桃花亦應鮮紅夠大朵。另外桃花不一定越高越好，其枝幹應長得茂密，不只外圍有枝，中心亦有滿佈花蕾的樹枝。

他坦言本地種桃花收入微薄，付出多，收穫少，假若子女想接手桃花園，「佢肯接我都唔畀佢做。」但他未打算退休，同齡朋友大多已行動不便，「你搵朋友同你傾偈都冇人嘛！我做緊呢啲，仲行得郁得，有運動有勞動吖嘛！」
■記者劉卓瑩、林 熊