當年今日
關於我們
【禁忌之林】痛恨飲醉嘅親密行為(林忌)
蘋果日報 2020/03/27 15:15
武漢肺炎
禁聚令
全城禁聚令
禁忌之林
林忌
專欄
林鄭月娥
人物
「如果喝醉些,便會有些更親密的行為......」一位疑似生理失調人士在電視上說。
「冇病呀?賴飲酒?佢老公唔搞佢,走去搞第二個,所以發爛渣呀?」女人說。
「哎呀,22歲女警落完吧確診之嘛,使乜咁大反應先?唔通佢老公出去滾,仲要滾著個女警?」男人說。
「嘩,乜你幻想到咁遠?佢老公自己成日一條友去睇戲咋,做乜覺得獨自去偷歡......呀唔係,係飲酒先?」女人答。
「總之人哋唔抵得啦!早排個50歲女人落老蘭,一街都係性幻想,吹到個女人落老蘭溝咗唔知幾件?人哋幻想一去老蘭飲酒,就有如去亂交派對!幻想飲多兩杯酒,然後就立即會有『更親密行為』!信埋晒啲 Fake news,唔抵得咪老虔婆上身,立即 Ban X晒你哋,唔畀大家飲酒囉!有名你叫──攬炒之母,佢唔飲酒,你都冇得飲;佢冇野扑,你都唔准扑」男人把口愈來愈臭的說。
「幾廿歲人,好心就少啲性幻想啦!酒吧唔畀賣酒,仲做咩酒吧?根本就講唔通!」女人說
「佢上台以來,專門就度埋呢啲陰陰濕濕嘅屎坑橋,外國政府就賠錢叫餐廳酒吧閂門,呢個八婆呢?拿,借酒牌過橋,禁你賣酒唔使賠錢,但你就變相冇生意閂門,咁無良都諗得出,完全係佢風格呀!人哋就共渡時艱!呢個政府呢?私相授受益自己友之外,佢理得你!」男人憤怒的說。
「講起餐廳,又係呀,只係規管飲酒,有鬼用呀?又唔見你規管埋飲茶?飲酒都係自己飲多,大家都唔會成檯人交換口水;反而飲茶好多人都唔衛生,或者用錯筷子,搞錯公筷同私家筷,咪仲容易傳染武肺?」女人好有道理的說。
「咁就唔知啦!好似個女警咁,一時又報去尖沙嘴飲酒,轉頭又報原來又有落蘭桂坊飲酒,你咁樣周街走,呢頭禁佢酒吧飲酒,佢咪去便利店買來飲囉!所以話針對酒吧根本係多餘!仲有呀,之前又報咩病發當日,與30名警隊炮友打手槍......哎,係同班警察在靶場入面入面打手槍,諗起都覺得污穢呀!污穢呀!」男人心邪道。
「玩完槍仲搵多三個黑警去飲下午茶,飲完返工先話唔舒服,你話禁飲酒又有咩用?除非你真係信,佢在酒吧真係飲到醉醉地,然後就......」女人吞吞吐吐的說。
「一定係咁樣,所以辣著啊林鄭啦!其實黑警在成個疫情,真係好似日日開P咁喎!一時又同班明星足球隊開P,一時又搞咩榮休晚宴,然後玩槍又要一齊玩,玩完仲要飲下午茶,其實最有效制止疫情的方法,就係炒咗呢三萬個黑警,不過你知我知,政府一定唔會做!」男人講起就嬲。
「最嘔心又扮喊,佢一路都反醫護,家下扮關心?當我哋係傻的嗎?」女人說。
「一月底就拒不封關,話『封關』係歧視;韓國有事即封韓國,歐美有事就封晒全世界,中國呢?講咗兩個月都死不封關,仲要派四班包機,去湖北接人落來;班友落機仲要讚中國,話湖北安全過香港,咁接佢哋來香港做乜?害佢哋呀?我哋納稅人嘅錢,就係咁用呀?」男人反問。
「不要再說了!呢兩個月見郵局日日大排長龍,乜速遞都爆晒,就係一班天真可愛嘅香港人,瘋狂寄口罩等物資去中國,益在中國居住嘅『家人』。你話香港人有幾傻?
----------------------------
【壹週刊 武漢肺炎專頁】
緊貼防疫資訊!口罩訂購情況、確診個案、病徵潛伏期、封關國家名單、保險點賠?
與你遠離瘟疫 睇清官謊!
立即睇
-----------------------------
【壹週刊直播平台 ChannelNEXT】
專家教你自保攻略|口罩點揀|防疫點做
立即睇
-----------------------------
疫情追蹤,最新消息,Follow 壹週刊Telegram:
點擊追蹤