森多利亞前鋒柏德列舒希克目前雖然喺波蘭代替捷克U21踢緊U21歐國盃，不過，仍無阻佢由森多利亞轉會祖雲達斯，皆因「老婦人」啟動咗舒希克嘅離隊條款，願意出佢合約中列明嘅2,500萬歐元（約2.5億港元）嘅買斷費，所以舒希克喺星期三踢完對意大利場歐國外之後，就拿拿聲飛咗去意大利都靈，接受體測，之後又會趕番去波蘭踢星期六對丹麥嘅U21歐國盃。祖雲達斯名宿兼副會長、捷克嘅尼維特，就對呢位小師弟讚不絕口，仲話佢係「捷克伊巴」㖭！