今夏NBA眾多自由身球星，2011年明星賽入樽王比歷克格芬（Blake Griffin）就係其中一員，佢可以跳出同快艇最後一年2140萬美元（約1.7億港元）合約，成為自由身。日前佢接受訪問，就列出最欣賞城市，包括有波士頓、紐約、鳳凰城同多倫多，就係冇宜家效力緊嘅洛杉磯，似乎離隊心意已決。

28歲嘅格芬，由2009年狀元身份加盟快艇就效力至今，不過球隊雖然花費巨額組軍，始終連岸區決賽都未入過，所以盛傳格芬今夏會走人。佢接受訪問時就話好欣賞4個城市，仲話波士頓有種族歧視問題，但自己都有一半白人血統，所以都唔驚。講到咁白，唔同格芬真係想去塞爾特人同I湯馬士（Isaiah Thomas）、賀福特（Al Horford）等聯手？