鄭俊弘嚟緊下月初舉行演唱會，今日去到新城做宣傳，兼且接受皮紋分析，得出結果係佢腦細胞比普通人多一倍，若果學新事物會較易上手。

對上一次開騷，曾經同佢朝見晚見嘅緋聞女友姜麗文，儼如女主人般喺場中睇得好享受，問到今次開騷會否邀請對方嚟睇？佢話：「冇特別邀請。」

原來兩人經已有年幾冇聯絡，佢解釋兩人工作都忙，當追問兩人係咪分手？佢就冇正面回答，只係講自己下月開騷，最近都忙住為操練，雖然未到自己定下目標，但佢都覺得跑步起上嚟，啲肌肉已經冇餘震情況，比以前結實得多。