【賭馬講呢啲】雷神主策降班馬 一於博佢大變身（妙瞳）
蘋果日報 2020/03/13 19:50
雷神妙瞳賭馬講呢啲勁瀟灑
勁瀟灑初跑五班賽佔盡優勢
新冠肺炎全球大爆發，體育界起碼有足球意甲、西甲、籃球NBA等要停賽，香港算是新冠肺炎早發地區，難得馬會一早果斷控制馬場人流，至今仍然維持馬照跑。
然而隨着疫情加劇，亦有上文提過的體育活動被叫停情況，難免令人擔心香港馬圈一旦有騎、練中招，可能都要與世界尺度睇齊停跑。
最近香港新冠肺炎確診個案，以海外輸入佔多數，純粹筆者拙見，為了確保可以馬照跑，是否要認真考慮暫時限制甚至謝絕騎練們在非必要情況下外訪？
當然，很快就到杜拜世界盃賽馬日，香港有馬遠征，馬會是否鼓勵成行？這個難題留給行政總裁應家柏諗諗吧！
另邊廂，3月底香港打吡將會有過江龍到港客串，為了整個賽馬業着想，還是最好到訪騎師有一紙健康證明。
據報，雷神正為稍後遠征杜拜後回港航班安排煩惱，個人則認為倒不如留港便算，香港馬圈真的很需要你！
頭場五班1200米草地，雷神騎「勁瀟灑」抵港後以田草千二米奪亞表現最佳，但今季僅初出跑過同程，最近四仗換了三次路程兼騎師，減分意圖明顯。
此駒近績不用介懷，明日（14日）「勁瀟灑」減夠分即強配雷神回師首本戲，不妨博牠大變身。
至於第五場四班1800米泥地，「為食格格」近兩次於雷神胯下贏泥地一哩，其實發力點及所取跑線並不理想，能輕勝乃大超班馬表現，兼且末段仍大把在手，今戰增程跑千八米無阻三連勝。