無綫《2009香港小姐競選總決賽》將於本周六假紅館舉行，十位佳麗昨日獲安排在尖東舉行的記者會上，會晤評判包括李嘉欣、任達華及劉璇等。大會司儀曾志偉、陳百祥及崔建邦，演出嘉賓張智霖、黃宗澤、曹格及15位超級巨星的參賽者，均有出席。

排排企氣質贏晒

擔任今屆港姐評判的李嘉欣，昨日穿上一襲瑰麗黑色裙出席，嘉欣被安排與在場十位佳麗見面合照，容光煥發的嘉欣搶鏡指數爆燈，被喻為質素欠佳的今屆港姐，隨即被比下去，令人感覺有欠青春及吸引力，反而1988年奪得港姐冠軍的李嘉欣，氣質猶勝當年。嘉欣獲安排站在十位佳麗中間拍照，她笑說：「一字排開咁企，我覺得好得意，好似我都有份選咁樣。」
對於今屆港姐質素參差，女版許愿2號林潔瑜更被網民惡搞捧成大熱，嘉欣很有保留地品評：「佢哋個個越來越靚，新聞嘅報道係影響唔到我嘅判斷。」嘉欣表示一直有留意今屆港姐的報道，但強調作為評判的她不能提出心水選擇。對於有報道指嘉欣早前在公開場合看過港姐的報道後，頭擰擰示意質素低，嘉欣聲稱：「我當時唔係睇緊佳麗，亦唔係扁嘴，只係睇緊公司文件，忙緊工作嘅嘢，同港姐無關。」

強調冇特別待遇

至於今屆港姐備受劣評，嘉欣以師姐身份為她們護航，指現在大眾批評可以很苛刻，希望給予機會讓她們慢慢學習，發揮出理想一面，嘉欣說：「唔好淨係挖啲唔靚嘅嘢出嚟。」對於好友吳君如提名9號袁嘉敏競選，嘉欣表示得悉此事，但她強調不會因提名人而給予特別待遇。
採訪：張俊銘
攝影：陳順禎

各位讀者如果認識十位入圍港姐，知道她們的底細，歡迎電郵mailto:[email protected]報料。