吳奇隆與劉詩詩嘅婚宴確定將於20日在峇里島舉行婚宴，據悉伴郎將由小虎隊嘅蘇有朋、陳志朋擔任。小虎隊re-u自然令人期待，吳生吳太盒喜糖，相信更多人想要。

奇隆同詩詩嘅婚禮喜糖，GODIVA出品贊助，禮盒有30粒朱古力，粒粒唔同味，一盒約$700蚊，喺大陸賣就貴多$300。

四爺同若曦呢場婚禮，由奇隆一手包辦，宴請逾百親友飛到峇里島參加婚宴，亦講明唔收禮金。婚宴喜帖以水藍色為底色，配上雕花縷空設計，盡見心思。