巴塞隆拿係目前歐洲球壇，甚至世界球壇最成功球會之一，品牌知名度亦高，但亦因為咁樣，成為咗毒販目標。德國警方日前檢獲一批迷幻藥，而藥形狀竟然係巴塞隊徽，而且圖案像真度極高。其實，巴塞球會或者球員成為毒販製毒品嘜頭，2013年巴西警方檢獲一批毒品，就貼上尼馬個樣，並且代表純度最高嘅品種；而紐約警方1年前起獲一批毒品，也壓有美斯商業品牌標誌。