【愛心大使】張晉樂做湊仔公 鄧麗欣想同男友鬥戲
鄧麗欣蔡少芬張晉愛心大使邱勝栩
張晉剛再為人父,太太蔡少芬為他添丁,今日他與鄧麗欣在銅鑼灣擔任愛滋零標籤愛心大使出席活動。蔡少芬因坐月中,湊仔大部分工作由張晉分擔,他表示太太很辛苦,又因今世應該不會再有機會再生,所以很享受湊仔樂。他覺得兒子極像自己童年,太太常笑指抱着BB像抱着幼年版張晉。他透露兒子較愛睡,尤其在自己抱起時:「老婆餵奶時阿仔瞓咗,本來叫我整醒佢,點知佢瞓得更甜。」
之前傳聞蔡少芬有1.5億資產,但張晉無意換大屋,覺得現時住的環境已有足夠空間,問到太太可會是守財?他說:「我唔知,冇理佢有幾多錢,但佢持家有道,應使得使,唔會亂使錢係優點,搵到呢個老婆我三生有幸,夫復何求。」
鄧麗欣與台灣藝人王子(邱勝栩)拍拖後經常晒恩愛,近日他們攞正牌放閃一起拍廣告,她表示可寓工作於娛樂跟男友見面:「唔係刻意放閃,因為呢個品牌我哋都覺得好,而且拍出嚟感覺靚,又係聖誕主題,佢又飛過來可見面。」她不介意在其他工作上與男友合作,主要看作品,但覺得不一定要在戲中也做情侶:「唔好咁悶,可以做其他,敵對戲或者老千電影,互相呃對方,但唔好搞到我係騙財騙色。」而她主演的電影《金都》於金馬影展奪亞洲電影奈派克獎,她表示導演黃綺琳首次執導,自己覺得這些獎項可鼓勵新晉導演:「香港有好多有才華、潛質嘅導演,我經常都同新導演合作,相信係緣份。我都係收友情價,希望支持本土港產電影。」
此外,對於樂壇前輩黎小田今早離世,鄧麗欣說:「冇合作過,睇到新聞覺得可惜難過,我最鍾意《問我》呢首歌,細個識唱,好有鼓勵嘅一首歌。」
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇