十強名單流出丨《造星III》契仔Timo榜上無名 花姐：我都想知乜嘢人講到真咁
蘋果日報 2020/12/25 00:00
全民造星III花姐契仔十強名單
ViuTV真人騷《全民造星III》將於本月26日進行總決賽，比賽進入終極生死戰，昨晚第3回合展開新一輪的殘酷賽制，兩組將分別進行5項演出對決，賽前導師林二汶和彭秀慧會交出兩組死亡名單即時淘汰，但若隊伍勝出，則能保一命，A組Judas和B組Candy成首輪淘汰對象。雖然有不少網民都很關心冠軍得主，但一眾參賽者在賽前簽訂保密協議，在節目播出前，均不可以以任何式向外公佈有詳情。
據了解《造星III》的10強名單將於18日公佈，甚至獎項的安排亦稍後才會公佈，不過近日在連登討論區流傳了一份十強名單，成功進入十強的人包括：NY、ANSONBEAN、葉巧琳、CY、Alina、Kimman、KLau、Ben、陳葦璇及Cloud，反而一直被傳是內定冠軍兼花姐契仔的Timo（江宏基）榜上無名，有網民估計Timo受近日負評與及節目內寸爆的表現所拖累。當然有不少網民又質疑名單的真偽，更有人留言切勿「跟車太貼」，但出post的網民留言：「話我吹水嗰啲，記住節目出街嗰日返嚟！」
對於十強名單流出，花姐今日在尖沙嘴出席活動事件解畫：「我覺得好勁，首先我自己都唔記得10強名單係乜，之前有餐廳老闆同我講10強名單，仲講埋20強進入10強嘅詳情，有唔同嘅group討論中，喺唔同地方收到風，我都想知乜嘢人講到真咁，好似現場睇到咁，不如講畀大家聽現場有幾真實，唔好成日話造馬！其實傳嘅有真有假，我都想講畀大家聽，不過真係想保留少少神秘感。」至於本月26號的決賽直播，花姐表示會如期在九龍灣star hall舉行，她說：「本來希望可以多啲人睇，不過疫情關係，唔會有現場觀眾，係可惜嘅，而台上嘅人全部都要進行檢測。」花姐又謂今年疫情下製作《造星III》尤其辛苦，不過見觀眾看得投入，自己也覺開心。
被指躋身十強的Alina和葉巧琳，在昨晚演出的《Hey Sistas》備受讚賞，Alina的唱功一直被批評麻麻，最後組員決定刪走她獨唱的部份，不過她未有灰心並說：「以前我都係諗自身多啲，不過而家會覺得唔緊要，最緊要係成件事出嚟嘅效果好。」結果出場時花姐讚她有霸氣，有網民留言：「４個都做得好好！！！欣賞alina 之前佢好介意自己表演，但今次可放下尊嚴cut her part. She not mind. 為件事，讚。佢做得好好呀。許廷鏗啱聽，說話有point，有理據去支持自己看法。B 懷舊金曲五十年，睇到好尷尬，不了。」「可以辣到許廷鏗咬唇呀大佬，幾多男人排晒隊都做唔到，佢哋四個女人竟然做到，就知個表演有幾正啦！BTW，作為女人嘅我睇完都好想好似佢哋咁。」
近日在網上流傳十強名單。（網上截圖）
Alina昨晚演出的《Hey Sistas》備受讚賞。（影片截圖）
花姐都讚有霸氣。（影片截圖）
花姐聲稱自己都唔記得10強名單。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！