【本報訊】「全部都係假嘅,呢個人真係好恐怖!」李小姐回憶騙徒手法時,除了憤慨外,更感毛骨悚然。騙徒多次光顧李小姐的店舖,每次扮得「身光頸靚」,去年李小姐新店開張,騙徒更親自前往道賀。
「有啲款好難買,佢話佢識人」及至去年9月,更結伴到韓國旅遊5天,「機票我訂,有晒佢資料,佢連同男朋友之間嘅事都同我講,我真係覺得大家係朋友」,而講價過程中,騙徒更表現出一副「唔憂做」,令李小姐放下戒心,「佢話一個袋先賺少少,唔要就算喇!」回港後,李即向騙徒落定26萬元買袋,「真係賤到冇朋友!」李小姐聲稱,於追還欠款期間,騙徒更將其照片貼街招,曾一日內收到幾十個性騷擾電話。