Marvel暑假猛片《蜘蛛俠：強勢回歸》（Spider-Man：Homecoming）上映在即，主角湯姆賀倫（Tom Holland）正到全球各地展開宣傳攻勢，雖然冇機會來港，但港九各地都出現蜘蛛俠身影。

蜘蛛俠今日喺旺角鬧市出動，於行人專用區幫手拖走壞車，吸引大批市民圍觀拍照。望真啲，原來只係電影公司派出嘅宣傳品，據知今日晏啲就會到觀塘同尖沙咀繼續供市民拍照。

《蜘蛛俠：強勢回歸》已定7月6日在港上映，美國近日已舉行優先場，當地影評出來口碑都相當唔錯，被形容更勝上個《蜘蛛俠》系列。