記得2016年曼聯用9000萬鎊簽入保羅普巴嗰時，利物浦領隊高路普當時就寸摩連奴，話「如果你用1億簽球員，但佢受傷唔踢得嘅話，你啲錢就好似掟咗入煙囪咁」，暗示用咁多錢買一個人唔值。而利物浦今個月出天價買中堅華基爾雲迪積克，摩佬終於搵到位入高路普，暗示對方雙重標準！

對於記者問到點睇雲迪積克天價轉會，魔佬話:「眾所周知，我諗高路普會用某種方式談論呢個問題。如果我係你（記者），我會問翻佢點睇自己一年前講過嘅嘢。我唔會評論個別例子，因為喺利物浦，佢哋可以想點就點，而我係外人所以冇資格評論佢哋嘅做法。」

摩佬補充：「現實係，如果佢哋覺得個球員好啱使，真係好想要佢，咁咪畀錢。一係買到一係買唔到，呢個就係市場嘅運作。」事隔一年，原來摩佬一直都冇忘記高路普講過啲咩，忍到依家終於有位入喇！

--------------------
BFB CHAMPIONS 2.0 聖誕新年活動連環出擊，登入即送傳奇球星「林伯特」！ http://bit.ly/2xrTKGM