何雁詩將以香港女子業餘錦標賽冠軍身份出戰5月舉行嘅《盈豐香港女子高爾夫球公開賽》，今日佢喺粉嶺香港哥爾夫球會出席活動記招，同場仲有好友兼香港高爾夫球女將陳芷澄，兩人將會同時迎戰來自世界各地嘅高球選手。佢笑謂無信心贏陳芷澄，但希望好似隊友咁互相支持：「今屆有個最佳業餘獎，呢個係我目標。」

何雁詩話自己有7年冇打高球職業賽：「練咗個幾月，感覺好溫馨、見返好耐冇見嘅朋友。自己之前都好大壓力，打golf令我有番好大信心，又可以減壓。」佢仲話娛樂圈好多嘢自己控制唔到，但打golf就可以自己控制。

何雁詩仲話今次係第一次參與歡迎外界朋友入場嘅比賽，問佢有冇邀請男友鄭俊弘嚟睇波？佢話：「我有問過佢會唔會嚟幫我拉袋，佢拒絕咗我喇！佢都識打㗎，個姿勢仲好有型，不過就冇實際。」何雁詩仲話男友初初都有陪練波，不過最近忙住練結他，所以各有各世界。

精選娛聞，喺晒《娛果》
http://fb.com/appledailyent