陳慧珊雖然喺無綫離過巢又返嚟，拍嘅劇唔多，但好多都係經典，今時今日講返出嚟，大家都仲可以記得。

喺94年嘅時候，加入咗無綫明珠台嘅新聞部做主持，到咗96年之後轉做藝人，開始拍劇，97年嘅《壹號皇庭V》就係佢嘅第一套劇，當時佢演大律師歐子強，仲因為呢個角色，開始被無綫力捧。

97年嘅《鑑證實錄》，係陳慧珊第二套劇，雖然話係第二套劇，但佢已經擔正做女主角，當年仲因為呢個角色獲提名最佳女主角。

98年陳慧珊就拍第三套劇《妙手仁心》，都係擔正做女主角，飾演蘇永康嘅律師家姐江新月。同之前嘅角色唔同，又煙又酒，卻是表面放縱內裡專一嘅時代女性。

喺《衝上雲霄》入面，陳慧珊飾演空姐Belle，喺吳鎮宇同馬德鐘兩個男人中間打轉，當年好多觀眾都好可惜最後陳慧珊同唔到吳鎮宇一齊。