落選港姐廖慧儀與《後生仔》前主持孔德賢被指搞地下情，最近被發現在同一個廚房用同一套廚具煮嘢食，被質疑玩煮飯仔露馬腳，事後孔德賢煮的蘿蔔絲相更離奇消失。今日孔德賢在TVB電視城錄影，講到同一屋簷下煮飯仔，孔德賢承認當日與廖慧儀一起，不過聲稱是在一大班朋友家中開party。

限聚令不能管到私人地方，在家開party成為唯一選擇，孔德賢受訪時指當日是朋友的生日派對，由於自己要錄《後生仔》，收工後才加入派對，到埗後才見到廖慧儀，他又為同一套廚具解釋：「 一個人屋企都唔會有一模一樣嘅鑊，可以喺同一時間煮緊！」他表示當日不知道廖慧儀有post龍蝦相，又形容自己不白痴：「如果真係兩個人煮飯仔，我都唔會咁白痴，佢影完我又跟住佢影，咁做呢啲白痴自爆行為。」

至於自己IG上的烹飪相失蹤，孔德賢就解釋因為要留精選相：「有看我IG的朋友都知道我每天都post煮東西的照片，我很喜歡煮東西，我發現煮蘿蔔糕的照片有五、六張，太煩了，然後我就刪除了。」他說第二日拍攝要打波，才會出現籃球相，事後有傳媒查詢才知道廖慧儀有貼過龍蝦。

《後生仔》師姐馮盈盈亦有新聞，日前被影到與地產界才俊曹展康撐枱腳，自詡有好多應付傳媒經驗的馮盈盈，多謝傳媒關心令自己可以應付自如，她稱不清楚對方家庭背影，對方亦不會知道自己身家多或少，但她就讚曹展康：「係好得體嘅朋友，做事低調、謙厚，平時都冇一啲炫耀行為。」

而馮盈盈緋聞男友鄭衍峰前日形容平時與馮盈盈只食公司canteen叉燒飯，馮盈盈今日表示會與同事鄭衍峰在canteen互相請食飯：「我自己都好enjoy公司啲叉燒飯，可能我平時開工食飯盒，咁啱冇人見到冇人講啫。」她又否認自己拜金：「交朋友都係睇善唔善良，人無貴賤，品有高低，最緊要都係講品行同修養。」

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！