【好戲無分國界】《大樂師》奪福岡電影節觀眾獎 鄭中基感激觀眾「識嘢」
鄭中基福岡顏卓靈馮志強福岡國際電影節大樂師為愛配樂觀眾獎
《大樂師‧為愛配樂》在「福岡國際電影節」獲得福岡觀眾賞大獎。(劇照、右圖:facebook圖片)
由鄭中基及顏卓靈主演嘅《大樂師‧為愛配樂》,喺今年4月舉行嘅香港電影金像獎中獲4項提名,鄭中基更首度角逐影帝,雖然最後只憑電影主題曲《沒聽過的歌》摘下最佳原創電影歌曲(新聞連結: https://bit.ly/2xiotIw ),但已經好威水!
估唔到,識貨之人唔只香港觀眾,《大樂師》早前越洋參加本月14至23日喺日本福岡舉行嘅「福岡國際電影節」,而大會喺今晚頒發福岡觀眾賞大獎((Fukuoka Film Festival Audience Award),《大樂師》成功撼低其他20部作品贏得獎項,為港爭光!
導演馮志強上星期更特地飛到當地,代表《大樂師》團隊出席日本福岡國際電影節開幕儀式及放映,場場爆滿,今晚捧獎後,馮志強相當興奮,並越洋感謝觀眾及劇組:「多謝台前幕後每一位的努力,多謝每一位看過的觀眾,音樂打破語言的界限,在世界各地奏起《沒聽過的歌》!」
至於男女主角就更興奮,其中鄭中基表示:「多謝福岡嘅觀眾朋友,拍一套純港產片好困難,仲要可以去到世界各地參展難上加難,得到大家喜愛真係相當開心。多謝你哋咁識嘢!」而顏卓靈則表示:「今天是《狂舞派3》主創們第一次重聚之日!竟又收到這個來自日本的喜訊!!恭喜《大樂師.為愛配樂》,恭喜導演!好電影不被埋沒!」
其實今次呢個福岡電影節福岡觀眾賞大獎,先後由《狂舞派》同《五個小孩的校長》分別喺2013年及2015年奪得過(新聞連結: https://bit.ly/2xrXZV5 及 https://bit.ly/2D5cjaY),真係可喜可賀呀!
精選娛聞,喺晒《娛果》
http://fb.com/appledailyent
導演馮志強(右二)親自飛到日本捧獎(facebook圖片)
《大樂師》男女主角鄭中基及顏卓靈為電影得獎感開心。(劇照)
《大樂師》大受日本觀眾歡迎,一票難求。(facebook圖片)