法籍老將杜利萊剛周三（20日）晚勝出「要風得鋒」及「秘密武器」，鮮有錄得起孖佳績，似乎開始轉運。

今期再接再厲，雖然胯下座騎未算太多，但要乘勝追擊尚不乏籌碼，當中來自米高鄭俊偉旗下匹「家樂駿駒」繼續由杜記於第八場三班泥地1650米壓陣，人馬夾慣夾熟。

上仗力追不及飲恨於「都靈明珠」蹄下，泥地同程兩戰共取一亞一殿，試準場地性能，吼準再臨，倉主鄭俊偉打破悶局都要靠晒呢對人馬。

今朝（21日）「家樂駿駒」最後試跑照例由杜記主理，拍住伴跳馬上試三段，跳後返到機坪，鄭俊偉立即捉住騎者咬耳仔，二人更企定定檢視「家樂駿駒」馬身、神態各樣，備戰可謂肉緊。