當年今日
關於我們

【唔使開放】鄧達智居所係三級文物:我冇接受過政府資助

蘋果日報 2019/06/03 17:52

鄧達智圍村文物

本港著名時裝設計師鄧達智今日在尖沙嘴出席「分享元朗獨有的圍村文化」,他透露其青磚祖屋將在年底進行維修:「青磚已經好稀有,而且相當貴,所以以前係有官階嘅人先住青磚屋,今次維修係要保留青磚外牆,由於係300年歷史嘅屋,所以入面要用不鏽鋼、玻璃同特別嘅木去做鞏固。」
問到預計多少維修費?鄧達智笑說:「唔知呀,其實拆咗再重新起過仲簡單,但我又唔想拆,因為有300年歷史而有人住嘅屋,喺香港只係得幾間,我哋係鑊耳屋,最原始嘅鑊耳屋得兩間,一間我,一間係我堂大佬,另一間係曾大屋,呢間就新啲,所以維修費嘅底線,我預計唔超過300萬,為咗保存傳統就要付出。」
鄧達智指居所現時是三級文物,加上沒有接受政府資助,所以不用對外開放:「雖然係三級文物,但可以住,不過如果接受咗政府資助,喺適當嘅時候佢會要求你去開放畀人睇,如果我冇接受過政府資助就可以拒絕佢嘅要求。」
對於他去年患上前列腺癌二期,問到身體狀況,他說:「有啲組織冇咗,需要時間復元,醫生都話好滿意。」此外,談及台灣早前通過同性婚姻合法化,成為亞洲第一個同性婚姻合法地區,鄧達智說:「最好啦,因為呢個係基本人權,好慶幸喺中國人嘅地方首先行出呢一步。」有台灣朋友因為這件事而結婚?他說:「仲未聽到需要恭喜嘅好消息。」
--------------------------------
【六四30】守住歷史 拒絕遺忘
https://hk.adai.ly/zdzKtt2RiW
--------------------------------
【記住63836568】全民爆相爆片!下一個爆料王就係你
https://bit.ly/2Guolu9