當年今日
關於我們

【法政奄列】就快沒有Guinness draft(堂飲)的日子(劉偉聰)

蘋果日報 2020/03/27 06:15

禁酒令預防及控制疾病條例武漢肺炎

上周五英倫Boris Johnson以霹靂手段下令市上所有pubs, cafes and restaurants 收皮收檔,唔畀堂食,但還可買酒買走。Johnson知衰,低頭笑謂,唔好意思,褫奪了各位國民 “the inalienable free-born right of people born in England to go to the pub”。各位國民聽了,大概會心一笑之餘,也可消消氣吧!

這邊廂林門鄭氏個髪型咁老土,就知佢老死都唔會去pubs啦,但佢就話準備唔收pubs and restaurants的皮,只係唔准佢哋賣酒!嗱嗱嗱!唔好話林門鄭氏liberal兼 sensible過Johnson,佢嘅reasoning超級匪夷所思,謂「如果飲醉少少,會有更加親密行為,係高風險。」(利申:我剛約了大編小編飲嘢,為免親密,打死唔敢醉!)因此遂要乸唔要仔,要酒吧唔要酒,揚言要攪攪《預防及控制疾病條例》(Cap 599),好攪出個「禁酒令」來。今回佢哋唔敢用《緊急情況規例條例》(Cap 241),事關上回《禁蒙面法》一嘢招來司法覆核,法院裁定Cap 241 unconstitutional,僭越立法會權限,形同容許行政長官繞過立法會自行立法。今回林門鄭氏精乖,棄Cap 241而採Cap 599,但恐怕一樣會引來JR!此無他,irrelevant and/or irrational 是也!

惡疫當前,要緊的是全面封關(唔該阿邊個好心封埋港珠澳深圳灣啦!),阻止非我城居民入城播毒,另要在城中實施有效的social distancing。The European Centre for Disease Prevention and Control 對 social distancing 目標清晰:”The term ‘social distancing’ refers to efforts that aim, through a variety of means, to decrease or interrupt transmission of COVID-19 in a population (sub-)group by minimising physical contact between potentially infected individuals and healthy individuals, or between population groups with high rates of transmission and population groups with no or a low level of transmission.”

可見我們關注的是minimising 所有不必要的 physical contact 而非針對 alcohol-induced physical contact!The element of alcohol-induced 因此是不應考慮的元素,故屬 irrelevant。 Irrelevancy renders a government decision illegal!

至若要雷厲風行minimising physical contact,理應限制或關閉所有食肆及娛樂塲所,減少可聚人的空間,而非停止售賣可使人親近的飲品,「禁酒令」委實是 “a conclusion so unreasonable that no reasonable authority could ever have come to it.” Lord Greene 說:”In such a case, again, I think the Court can interfere.” An irrational government decision shall be quashed!

我愛死你Guinness draft啦,但惡疫時代中我也會忍痛接受pubs, cafes and restaurants 關門,但不願見着pubs and restaurants打開門淨賣熱檸水⋯⋯

高眉友人苦勸我動動《基本法》第34條中我們「文化活動」自由的腦筋,哈!飲嘢當然係文化活動啦,你睇英倫電影《Shaun of the Dead》,男主角同班死剩種逃避喪屍逃去邊?梗係pub啦,有酒有食有pool打! 但於我最窩心的還是《Last Orders》 (Graham Swift 的原著小說)裏Sir Michael Caine瓜咗,班老友送佢啲骨灰最後一程,約好在pub中先聚,好叫一杯Guinness draft一奠爵爺!

作者:劉偉聰,法門中人,多餘多話,寒舍中有小貓一雙,男的是陳寅恪,女的叫Dworkin。

【法政奄列】專欄隔周五在蘋果動新聞上線

-----------------------------
【武漢肺炎】專頁
全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》讀果 上架