【大體老師】9歲跌傷腦半生輪椅相依 開心果鍾珍妮遺愛人間
義工醫學院大體老師解剖學小腦
「佢真係好想幫啲醫生,回饋佢哋!」47歲的鍾珍妮,9歲時滾落樓梯導致腦部受創不能站立走動,更出現多項長期疾病。雖然身體受創,但她未放棄,報讀中醫課程又做義工,直至去年8月去世。鍾媽媽指女兒大半生進出醫院,感激醫生及醫護人員悉心照料,生前曾向兩間大學的醫學院登記做大體老師,讓遺體供醫學解剖教學用途,作育未來醫生。女兒死後,她毋懼親友指摘,努力完成其遺願。
半年過去,鍾媽媽傷痛未忘,她以「慘」字回顧珍妮一生。1970年出生的鍾珍妮,原是個可愛活潑女孩,愛說話常帶笑容,但9歲時在學校滾下樓梯致小腦萎縮。雖然智力正常,但掌控身體活動的小腦受創令她無法站立或走動,餘生要坐輪椅代步,而且身體多方面機能出問題,需接受骨科、婦科、眼科、泌尿科及腸胃科等10項專科治療。
鍾媽媽指女兒身形肥胖,一生都在痛楚中度過,經常出入醫院、醫療中心,但珍妮樂觀從沒埋怨,自暴自棄,反而經常做義工,「教阿公阿婆上網用電腦,又教阿婆煲湯」。
2000年時她又報讀浸會大學的中醫課程,鍾媽媽指當時她亦有陪伴到廣州上課,她指女兒認為香港醫生人手不足,加上「佢對中醫有興趣,又想做中醫幫人,人哋讀4年,佢讀5年」,最後於2005年畢業。她續稱,女兒不能寫字,堂上抄不到筆記,但她想到解決辦法,就是帶錄音機上堂錄下老師講解,「佢雙手唔係好郁到,晚晚趁我哋瞓咗就開電腦打字,打到天光。」說罷拿出女兒的畢業證書,一臉自豪地說:「佢真係好叻女!」
鍾珍妮自9歲那年發生意外後,餘生出入醫院多次,感謝醫生悉心照料,所以她生前多次申請做醫院的「實驗品」。鍾媽媽稱:「搵咗十幾年,終於搵到醫生幫佢寫信去瑪麗做研究,例如抽皮膚組織及脊髓等拎去英國化驗」。數年前,鍾珍妮更坐言起行登記做大體老師,「佢驚一間唔收,仲有另一間」,便先後登記香港大學及中文大學的遺體捐贈計劃。鍾媽媽更稱,之前一家住村屋,珍妮行動不便,丈夫又患癌,當時有醫生體諒其苦況協助他們申請到公屋,所以珍妮堅持成為大體老師,胡望回饋醫學界。
她憶述,女兒去世後聯絡兩間大學,但礙於珍妮身材肥胖,中大回覆需時考慮,她轉而聯絡港大,終獲港大確認收取遺體,現時珍妮的遺體已成為港大醫學院的大體老師。
女兒大半生在醫院度過,鍾媽媽指她是醫院的「開心果」,「院友一見佢就好開心,瞓緊覺嗰啲都坐晒起身聽佢吹水!」她憶述,珍妮臨終前數日還在醫療中心四處逗病人笑,「直至佢部呼吸機熄燈……」
10萬蚊 100人分!
星期一至五晚上10點半
《動腦Q》Let's Q the money!
http://bit.ly/2QW8LcI