【Google熱搜】《不懂撒嬌的女人》林文龍宣萱登熱爆男、女娛樂名人
宣萱林文龍不懂撒嬌的女人使徒行者2
Google熱門搜尋關鍵字喺今日出爐,啱啱喺馬來西亞頒獎禮,憑《不懂撒嬌的女人》拎咗視后嘅宣萱,佢先喺呢個熱爆女娛樂名人排得5名,再加上除咗《不懂》喺熱爆電視節目拍第2名外,另一套同三哥、陳豪合作嘅《使徒行者2》拍得第4位,成績果然理想。
宣萱今日接受《蘋果》嘅訪問,佢話:「我都估唔到呢兩套劇可以有咁多人去搜尋,有咁多人留意梗係開心,但係我想話Mall姐真係唔係咁惡死,佢都有溫柔嘅一面!」雖然呢套劇已經播映完一段時間,不過聽講宣萱出親街都仲有人叫佢做Mall姐,啱啱喺拍完一套大陸劇,返嚟拍一個廣告之後,又繼續返去拍第二套劇,果然厲害!
Mall姐當然吸引,但係喺《不懂》飾演Gordon嘅林文龍,亦都登上熱爆男娛樂名人第8名,林文龍接受訪問就話:「我自己就一向好平常心,覺得做好自己本份就得,多人搜尋證明呢套劇受歡迎,最緊要大家開心,呢啲嘢係講天時地利同人和,即係好似打麻雀一樣,三缺一係唔得!」
更多娛聞,喺晒《娛果》
http://fb.com/appledailyent