廖啟智、林雪、黃光良等一眾囚犯呢排日日過住獄中生活，今日難得有得放風出嚟曬太陽，仲要遇到迫爆上圍嘅崔碧珈、胸口露點痔嘅Coffee畀佢哋養下眼，其實係佢哋拍嘅電影《壹獄壹世界：高登闊少踎監日記》喺西貢舉行拜神儀式，老闆蕭定一同戲中主角王宗堯、張建聲、郭奕蕊、Yuna等都有出席。

崔碧珈條四吋事業線就搶晒鏡頭，連Coffee都唔介意被搶鏡，仲話作為女性睇到都有心動，演員輪流上香時，當女演員俯身裝香，手執香燭嘅林雪就話畀班女演員一支香時間慢慢影，黃光亮則企到傳媒旁話：「哦，裝完啦裝完啦。」

輪到林雪埋位上香時，佢又鬼馬將領口拉底畀傳媒影。咁效果方面就當然…咩啦。