港超聯嘅球證執法水準參差，經常都畀球迷鬧。不過，瑞典超級聯賽有一位叫艾赫金（MohammedAl-Hakim）球證就唔同嘞，佢最近專登喺Facebook開咗一個專頁，同球迷討論自己喺比賽入面曾經做過嘅決定，佢仲曾經試過公開承認應該喺某一場比賽判12碼，夠晒透明同坦白，球迷都勁buy！佢仲話希望咁樣做可以令到多啲人對球證呢個職業有興趣，繼而入行，認真有heart呀！