【聲沙沙唱杜麗莎】陳志雲毋懼國安法殺到 網上節目更可暢所欲言
蘋果日報 2020/06/30 10:00
陳志雲楊立門國安法
陳志雲昨晚在觀塘出席楊立門的網上頻道演出，二人在一小時左右的節目內會唱多首歌曲，陳志雲笑言是「杜麗莎之夜」，自己近日聲沙沙適合唱對方的歌，他分別挑選《假如》、《仍然記得嗰一次》及《眉頭不再猛皺》，亦會唱林子祥的歌。但楊立門提議一起唱粵曲，但陳志雲拒絕：「今日個音質唔唱得，都唔會預算杜麗莎唱粵曲。」陳志雲更問可否唱《願榮光歸香港》。
近日開始多在晚上做網上直播節目的陳志雲，早上又要早起在商台開咪，他笑言因太累，有3天休息沒做直播節目，笑言怕觀眾以為自己「被捉咗」。
經常在節目談論社會時事，陳志雲笑笑口稱自己支持國安法，他說：「我支持國安法㗎！嗰間酒樓叫『國安法大酒樓』，啲嘢好好食。」他明言就算國安法在港真的成立也不怕，節目中不用避忌：「我哋又唔係要叛逆、分離、煽動，喺佔中時，我哋成日叫唔好、叫啲人返屋企，唔好暴力，我哋應該攞嗰啲金、銀或銅紫荊（勳章）。」
談到做網上節目，自己獲益良多，要顧及電台和拍檔，有時說話尺度不大，反而網上更可暢所欲言：「都要有感覺先講，好似我對《頭條新聞》感覺大啲，因為我做過監管又被監管過，做過電台及電視台，自己會有睇法，本來嗰日節目搵張敏兒講嘢，但佢話佢哋叫唔好講，但我唔知係邊個佢哋。」
他明白對方已退下火線，不在其位則少評論，亦舉例前特首曾蔭權也少說話。在旁的楊立門指梁振英很多時有評論，陳志雲說：「佢真係好得閒，國家領導人點解咁得閒，佢應該領導國家而唔係領導香港，佢協助領導國家，佢係政協。」楊立門笑和應問是否威脅的脅？陳志雲則笑說：「都係嗰個脅，中國政協係脅迫個脅。」一輪笑話後2人互指要割席，更笑話立法後會更多割席情況。
-----------------------------
陳志雲指自己休息不夠，聲沙沙，笑言最啱唱杜麗莎的歌。
楊立門提議合唱粵曲，陳志雲即落閘。
楊立門十分風騷。