全國夏季游泳錦標賽周五喺江西省贛州展開，24歲嘅「小鮮肉」寧澤濤正式復出，代表河南隊出戰；由於今次係寧澤濤事隔大半年後正式亮相，所以比賽門券早就俾粉絲搶購一空。據悉寧澤濤將會喺23日出戰男子100米蝶泳，並於25及26日分別出戰100米及50米自由泳。寧澤濤啲粉絲不嬲都會自稱「寧太」，仲有人喺微博話：「今日差唔多同你喺同一個省，宜家真係吸啖空氣都覺得甜。」