今年7.1遊行有團體話唔排除預演佔中,一直有幫好多團體同政黨搞非暴力抗爭公開訓練營嘅華人民主書院,就會喺6月29日、即係7.1遊行前搞一個為期一日嘅非暴力抗爭訓練「速成班」。
華人民主書院董事陶君行同八方講,今次係第一次搞「速成班」,呢個「速成班」喺台灣太陽花運動時候都搞過幾次,主要由華人民主書院喺台灣嘅同事負責;呢班台灣同事,今次亦專登會飛嚟香港,親自傳授非暴力抗爭經驗,希望為參加7.1遊行人士做足傍身準備,萬一出現暴力,教參加者點應對。有興趣嘅人士可以去華人民主書院網站 http://idemocracy.asia/報名。