墨西哥、冰島、烏拉圭、尼日利亞、哥倫比亞、加納、摩洛哥、巴西、法國、西班牙同喀麥隆，呢11個國家喺周五聯成一線，各自派出一位球員幫「地球連合軍」CF格蘭納達打護級生死戰，最終主場爆冷大勝貝迪斯4:1，地頭兩連勝下23戰得16分，同第17位嘅雷加利斯只差兩分，護級乍露曙光之餘，更係首支正選11人全部來自唔同國家嘅西甲球隊！連埋後備入替嘅希臘中場彭拿基奧迪斯干尼，國籍更加多元化到12個。

不過，雖然冇中國球員落場，但格蘭納達要護級都要多謝中國！皆因由中國商人蔣立章掌控嘅佢哋，一月喜獲中超「姊妹球隊」重慶力帆外借前多蒙特射手阿祖安拉莫斯救亡，拉莫斯今場就正正轟入兩粒。隨住中資逐漸喺歐洲插旗，呢種「戰略合作」相信只會有增無減！