民陣昨宣佈4.28遊行有13萬人參加,有參加遊行的民主派人士直言遠超預計,更發現當中不少自發參加市民,亦有人見到一些認識的淺藍專業人士在遊行隊伍中,令他們覺得反《逃犯條例》修訂已出現雪球效應,「越嚟越多普通市民、甚至淺藍有識之士亦覺唔妥,要出嚟反對」,而北京、林鄭及建制派似仍沒讓步之意,「最終佢哋係咪選擇同民意硬碰?佢哋有冇諗過要承受幾大經濟代價?」
有參加遊行的民主派人士對季陶說,他昨在遊行隊伍中,看到多名相識好淺藍專業人士身影,雖然未有打招呼,但明白他們為何上街,「上次見佢哋上街係03年7.1,佢哋呢類人立場好簡單,唔係殺到埋身亦未必肯出嚟,更加唔認同民主派搞搞陣;但今次連佢哋都出嚟,即係話呢條送中條例,已影響一班保守建制支持者利益,同當年23條立法一樣。」