34歲的周秀娜,早前被盛傳與細4年的余德丞秘密撻著,更指二人拍拖已經3個月。今個月初30歲生日的余德丞,更獲娜姐送上生日蛋糕,而且娜姐與余德丞亦無避嫌,揀正今日中秋節,二人同步上載合照,娜姐仲留言話「Happy Birthday to 『余德丞』,歡迎加入<29+1>,3字頭的行列,我哋係一齊⋯⋯食生日飯」,余德丞則留言「Surprise」。而相片除了周余二人,仲有形象指導馬天佑,雖然感覺有啲電燈膽,不過有指馬天佑是二人的媒人,相信二人亦都唔會介意。
網民驚見二人合照,反應相當踴躍,不少網民大叫恭喜…余德丞生日快樂,亦有人單刀直入問:「在一起?」但就未獲娜姐回覆,不過揀中秋正日放合照,果然人月兩團圓。