「梗係唔OK啦！」雖然特首正式宣佈立法訂立跨行業最低工資，但任職速遞員的任潮明坦言不收貨，「又冇講工資水平幾多，又冇講幾時正式推行。」特首指最低工資不一定足以支付每名家庭成員開支的言論，更引起他強烈不滿，「我一個月搵得5,000幾蚊，一個養三個，你（特首）咁講即係叫人攞綜援啫。」
50多歲的任潮明表示，妻子沒有工作，就讀幼稚園的女兒每月學費已佔去他三分一工資。他認為政府今次願意就最低工資跨行業立法，算是跨了一小步，但沒有觸及最低工資水平令人十分失望，「最擔心政府只係顧住商界利益，訂出一個唔合理水平。」他認為最低工資最好以月薪計算，最少每月7,000元。

「淨係理大商家利益」

施政報告沒有交代最低工資水平，最失望肯定是低薪一族。任職清潔工、時薪只得18元的芳姐批評，特首避而不談立法時間表，又沒交代最低工資水平，是不理低下階層苦況，「政府淨係理地產商同大商家利益，直頭係大細超。」
年屆60的芳姐說，18元時薪太低了，根本不能應付日常生活需要，「我買餸都好少買肉，每次都係等街市臨收工先去買平餸。」她認為政府除要即時為最低工資立法，最低時薪規定至少35元，才能改善低收入一族苦況。
本報記者