當年今日
關於我們

讀港大進修學院法律課程
梁佩瑚被投訴上霸王堂

蘋果日報 2002/01/15 00:00


最近有讀者報料,懷疑八九年港姐季軍梁佩瑚(前名梁清爭仁)攻讀港大的專業進修學院法律課程,沒有交學費,有上「霸王堂」之嫌。但梁佩瑚昨日解釋報讀課程初沿用梁清爭仁的名字,所以點名名單就沒有她的名字。
八九年港姐季軍梁佩瑚近年淡出幕前,專注攻讀香港大學專業進修學院法律課程。日前有讀者指梁佩瑚的名字沒有在上課的點名冊內,懷疑她沒有交學費,有上「霸王堂」之嫌。讀者又稱梁每次上課都霸第一行坐,說話大聲,似有對其他同學構成不公平和騷擾。

已交七千學費
記者昨日致電梁佩瑚,向她求證上「霸王堂」之事,她說:「呢件事好無聊,我喺開課前已選課,之後已交晒學費,因為我用梁仁個名報名,於是個list就搵唔到梁佩瑚呢個名。」梁佩瑚表示今年報讀了四個科目,每科學費約一千七百元,即梁佩瑚已交了約七千元的學費。她又說:「我張學生證依然沿用梁仁個名,但一睇張相就知,呢樣嘢呃唔到人。」
梁佩瑚不諱言有些學生到課室上「霸王堂」,她說:「係好多學生去上『霸王堂』,個課室成日滿晒,所以呢排學校都安排多咗人手喺課室門外查證。我好唔明點解有人咁無聊咁樣講,如果嗰個人係一樣讀法律課程,佢應感到好羞愧,唔清楚件事唔好誣告人。」

甚少選坐前排
那梁佩瑚可有霸佔第一行的座位上課,上課時又是否談話大聲,她解釋:「我淨係第一年上課時坐過第一行,因為嗰陣時我都冇相識嘅同學,於是好自閉坐前面,加上我𠵱家發覺坐第一行上堂,抬高頭睇board好辛苦,我已好少選前排。」她亦肯定自己不會在課堂內高談闊論,騷擾到其他同學。
而港大專業進修學院公共事務部的馮小姐,昨日在電話訪問說:「所有有關學生嘅資料都係私隱唔可以公開,我哋唔會就個別學生嘅情況作答。」
採訪:比華利