當年今日
關於我們

代理權再度易手勞斯萊斯

蘋果日報 2002/01/09 00:00


昨日,亞Mark透露過話福特嘅人事變動同大計,引來不少外間嘅迴響,究竟佢哋正部署緊啲乜計劃呢?查實,踏入2002年之後,原有英國勞斯萊斯嘅代理權,早前經已由新英華轉咗去大昌行旗下;之不過,由於家陣勞斯萊斯嘅母公司係德國寶馬車廠嘅關係,故踏入新一年,佢哋嘅香港代理權亦好順理成章咁由大昌行,再次轉投到分屬寶馬代理嘅森那美集團喇!雖然有關方面重未有向外界公布;但據亞Mark收風所知,嚟緊勞斯萊斯響香港嘅銷售工作,極有可能會交由負責福特汽車嘅夏巴公司睇埋,而剛出掌福特營業部G.M.嘅鄭Sir,亦大有機會負責埋日後勞斯萊斯嘅決策㖭!