歌手JW同新人吳肇軒今日去工展會出席活動，其中JW話今年工作成績唔錯，所以送咗張支票俾爸爸做聖誕禮物。張支票係咪銀碼任寫？佢話:「咁我又未可以咁，只係太忙無時間買禮物，所以就用支票向爸爸表心意。」

問佢聖誕有冇同好姊妹何超蓮同G.E.M.一齊過？佢話:「有呀，我哋仲一齊交換禮物，我抽中咗要送禮物俾超蓮，咁啱我有個Uncle佢有隻馬，會跑賽事，於是就投注咗隻馬，然後開住電視一齊睇，結果跑中咗位置，呢個經驗都幾開心。」