當年今日
關於我們

【李八方online】詹劍崙選委戰拉票 Sell埋幫手選人大

蘋果日報 2016/12/04 19:30

詹劍崙李八方選委會金融服務界

新一屆負責選特首嘅選舉委員會11號就投票,唔少啱啱喺立法會選舉中敗陣嘅候選人都出戰,包括金融服務界嘅詹培忠囝囝詹劍崙Ricky。
早前參選立法會時間太急,唔算太多時間準備,Ricky今次完善咗選舉工程,據聞選民一早收到佢嘅選舉單張,身為潮怒漢嘅佢主打「敢言懂言、據理力爭」,相信係凸顯同其他一路向西(環)嘅參選人有分別。
最特別之處係佢除咗提出特首嘅條件,包括了解經濟原則以及為金融界制定合適嘅發展政策等,仲提到會支持能夠關注平衡中港經濟發展與資金流動政策嘅港區人大代表。
嘩,心水真係夠清,知道負責選舉港區人大嘅「選舉會議」成員一般包括埋當屆選委會委員嘅中國公民,唔知選民會唔會因此加分?